45:1 הַדָּבָר, אֲשֶׁר דִּבֶּר יִרְמְיָהוּ הַנָּבִיא, אֶלבָּרוּךְ, בֶּןנֵרִיָּהבְּכָתְבוֹ אֶתהַדְּבָרִים הָאֵלֶּה עַלסֵפֶר, מִפִּי יִרְמְיָהוּ, בַּשָּׁנָה הָרְבִעִית, לִיהוֹיָקִים בֶּןיֹאשִׁיָּהוּ מֶלֶךְ יְהוּדָה לֵאמֹר
45:2 כֹּהאָמַר יְהוָה, אֱלֹהֵי יִשְׂרָאֵל, עָלֶיךָ, בָּרוּךְ
45:3 אָמַרְתָּ אוֹינָא לִי, כִּייָסַף יְהוָה יָגוֹן עַלמַכְאֹבִי יָגַעְתִּי, בְּאַנְחָתִי, וּמְנוּחָה, לֹא מָצָאתִי
45:4 כֹּה תֹּאמַר אֵלָיו, כֹּה אָמַר יְהוָה, הִנֵּה אֲשֶׁרבָּנִיתִי אֲנִי הֹרֵס, וְאֵת אֲשֶׁרנָטַעְתִּי אֲנִי נֹתֵשׁ וְאֶתכָּלהָאָרֶץ, הִיא
45:5 וְאַתָּה תְּבַקֶּשׁלְךָ גְדֹלוֹת, אַלתְּבַקֵּשׁ כִּי הִנְנִי מֵבִיא רָעָה עַלכָּלבָּשָׂר, נְאֻםיְהוָה, וְנָתַתִּי לְךָ אֶתנַפְשְׁךָ לְשָׁלָל, עַל כָּלהַמְּקֹמוֹת אֲשֶׁר תֵּלֶךְשָׁם פ