35:1 וַיַּעַן אֱלִיהוּ, וַיֹּאמַר
35:2 הֲזֹאת, חָשַׁבְתָּ לְמִשְׁפָּט אָמַרְתָּ, צִדְקִי מֵאֵל
35:3 כִּיתֹאמַר, מַהיִּסְכָּןלָךְ מָהאֹעִיל, מֵחַטָּאתִי
35:4 אֲנִי, אֲשִׁיבְךָ מִלִּין וְאֶתרֵעֶיךָ עִמָּךְ
35:5 הַבֵּט שָׁמַיִם וּרְאֵה וְשׁוּר שְׁחָקִים, גָּבְהוּ מִמֶּךָּ
35:6 אִםחָטָאתָ, מַהתִּפְעָלבּוֹ וְרַבּוּ פְשָׁעֶיךָ, מַהתַּעֲשֶׂהלּוֹ
35:7 אִםצָדַקְתָּ, מַהתִּתֶּןלוֹ אוֹ מַהמִּיָּדְךָ יִקָּח
35:8 לְאִישׁכָּמוֹךָ רִשְׁעֶךָ וּלְבֶןאָדָם, צִדְקָתֶךָ
35:9 מֵרֹב, עֲשׁוּקִים יַזְעִיקוּ יְשַׁוְּעוּ מִזְּרוֹעַ רַבִּים
35:10 וְלֹאאָמַראַיֵּה, אֱלוֹהַּ עֹשָׂי נֹתֵן זְמִרוֹת בַּלָּיְלָה
35:11 מַלְּפֵנוּ, מִבַּהֲמוֹת אָרֶץ וּמֵעוֹף הַשָּׁמַיִם יְחַכְּמֵנוּ
35:12 שָׁם יִצְעֲקוּ, וְלֹא יַעֲנֶה מִפְּנֵי, גְּאוֹן רָעִים
35:13 אַךְשָׁוְא, לֹאיִשְׁמַע אֵל וְשַׁדַּי, לֹא יְשׁוּרֶנָּה
35:14 אַף כִּיתֹאמַר, לֹא תְשׁוּרֶנּוּ דִּין לְפָנָיו, וּתְחוֹלֵל לוֹ
35:15 וְעַתָּהכִּיאַיִן, פָּקַד אַפּוֹ וְלֹאיָדַע בַּפַּשׁ מְאֹד
35:16 וְאִיּוֹב, הֶבֶל יִפְצֶהפִּיהוּ בִּבְלִידַעַת, מִלִּין יַכְבִּר