3:1 וְהָיָה אַחֲרֵיכֵן, אֶשְׁפּוֹךְ אֶתרוּחִי עַלכָּלבָּשָׂר, וְנִבְּאוּ, בְּנֵיכֶם וּבְנוֹתֵיכֶם זִקְנֵיכֶם, חֲלֹמוֹת יַחֲלֹמוּןבַּחוּרֵיכֶם, חֶזְיֹנוֹת יִרְאוּ
3:2 וְגַם עַלהָעֲבָדִים, וְעַלהַשְּׁפָחוֹת, בַּיָּמִים הָהֵמָּה, אֶשְׁפּוֹךְ אֶתרוּחִי
3:3 וְנָתַתִּי, מוֹפְתִים, בַּשָּׁמַיִם, וּבָאָרֶץ דָּם וָאֵשׁ, וְתִימְרוֹת עָשָׁן
3:4 הַשֶּׁמֶשׁ יֵהָפֵךְ לְחֹשֶׁךְ, וְהַיָּרֵחַ לְדָםלִפְנֵי, בּוֹא יוֹם יְהוָה, הַגָּדוֹל, וְהַנּוֹרָא
3:5 וְהָיָה, כֹּל אֲשֶׁריִקְרָא בְּשֵׁם יְהוָהיִמָּלֵט כִּי בְּהַרצִיּוֹן וּבִירוּשָׁלִַם תִּהְיֶה פְלֵיטָה, כַּאֲשֶׁר אָמַר יְהוָה, וּבַשְּׂרִידִים, אֲשֶׁר יְהוָה קֹרֵא