3:1 מִזְמוֹר לְדָוִד בְּבָרְחוֹ, מִפְּנֵי אַבְשָׁלוֹם בְּנוֹ
3:2 יְהוָה, מָהרַבּוּ צָרָי רַבִּים, קָמִים עָלָי
3:3 רַבִּים, אֹמְרִים לְנַפְשִׁי אֵין יְשׁוּעָתָה לּוֹ בֵאלֹהִים סֶלָה
3:4 וְאַתָּה יְהוָה, מָגֵן בַּעֲדִי כְּבוֹדִי, וּמֵרִים רֹאשִׁי
3:5 קוֹלִי, אֶליְהוָה אֶקְרָא וַיַּעֲנֵנִי מֵהַר קָדְשׁוֹ סֶלָה
3:6 אֲנִי שָׁכַבְתִּי, וָאִישָׁנָה הֱקִיצוֹתִיכִּי יְהוָה יִסְמְכֵנִי
3:7 לֹאאִירָא, מֵרִבְבוֹת עָם אֲשֶׁר סָבִיב, שָׁתוּ עָלָי
3:8 קוּמָה יְהוָה, הוֹשִׁיעֵנִי אֱלֹהַי כִּיהִכִּיתָ אֶתכָּלאֹיְבַי לֶחִישִׁנֵּי רְשָׁעִים שִׁבַּרְתָּ
3:9 לַיהוָה הַיְשׁוּעָה עַלעַמְּךָ בִרְכָתֶךָ סֶּלָה