13:1 לַמְנַצֵּחַ, מִזְמוֹר לְדָוִד
13:2 עַדאָנָה יְהוָה, תִּשְׁכָּחֵנִי נֶצַח עַדאָנָה, תַּסְתִּיר אֶתפָּנֶיךָ מִמֶּנִּי
13:3 עַדאָנָה אָשִׁית עֵצוֹת, בְּנַפְשִׁי יָגוֹן בִּלְבָבִי יוֹמָםעַדאָנָה, יָרוּם אֹיְבִי עָלָי
13:4 הַבִּיטָה עֲנֵנִי, יְהוָה אֱלֹהָי הָאִירָה עֵינַי, פֶּןאִישַׁן הַמָּוֶת
13:5 פֶּןיֹאמַר אֹיְבִי יְכָלְתִּיו צָרַי יָגִילוּ, כִּי אֶמּוֹט
13:6 וַאֲנִי, בְּחַסְדְּךָ בָטַחְתִּי יָגֵל לִבִּי, בִּישׁוּעָתֶךָאָשִׁירָה לַיהוָה, כִּי גָמַל עָלָי