26:1 לְדָוִד שָׁפְטֵנִי יְהוָה כִּיאֲנִי, בְּתֻמִּי הָלַכְתִּיוּבַיהוָה בָּטַחְתִּי, לֹא אֶמְעָד
26:2 בְּחָנֵנִי יְהוָה וְנַסֵּנִי צרופה צָרְפָה כִלְיוֹתַי וְלִבִּי
26:3 כִּיחַסְדְּךָ, לְנֶגֶד עֵינָי וְהִתְהַלַּכְתִּי, בַּאֲמִתֶּךָ
26:4 לֹאיָשַׁבְתִּי, עִםמְתֵישָׁוְא וְעִם נַעֲלָמִים, לֹא אָבוֹא
26:5 שָׂנֵאתִי, קְהַל מְרֵעִים וְעִםרְשָׁעִים, לֹא אֵשֵׁב
26:6 אֶרְחַץ בְּנִקָּיוֹן כַּפָּי וַאֲסֹבְבָה אֶתמִזְבַּחֲךָ יְהוָה
26:7 לַשְׁמִעַ, בְּקוֹל תּוֹדָה וּלְסַפֵּר, כָּלנִפְלְאוֹתֶיךָ
26:8 יְהוָהאָהַבְתִּי, מְעוֹן בֵּיתֶךָ וּמְקוֹם, מִשְׁכַּן כְּבוֹדֶךָ
26:9 אַלתֶּאֱסֹף עִםחַטָּאִים נַפְשִׁי וְעִםאַנְשֵׁי דָמִים חַיָּי
26:10 אֲשֶׁרבִּידֵיהֶם זִמָּה וִימִינָם, מָלְאָה שֹּׁחַד
26:11 וַאֲנִי, בְּתֻמִּי אֵלֵךְ פְּדֵנִי וְחָנֵּנִי
26:12 רַגְלִי, עָמְדָה בְמִישׁוֹר בְּמַקְהֵלִים, אֲבָרֵךְ יְהוָה