47:1 לַמְנַצֵּחַ לִבְנֵיקֹרַח מִזְמוֹר
47:2 כָּלהָעַמִּים, תִּקְעוּכָף הָרִיעוּ לֵאלֹהִים, בְּקוֹל רִנָּה
47:3 כִּייְהוָה עֶלְיוֹן נוֹרָא מֶלֶךְ גָּדוֹל, עַלכָּלהָאָרֶץ
47:4 יַדְבֵּר עַמִּים תַּחְתֵּינוּ וּלְאֻמִּים, תַּחַת רַגְלֵינוּ
47:5 יִבְחַרלָנוּ אֶתנַחֲלָתֵנוּ אֶת גְּאוֹן יַעֲקֹב אֲשֶׁראָהֵב סֶלָה
47:6 עָלָה אֱלֹהִים, בִּתְרוּעָה יְהוָה, בְּקוֹל שׁוֹפָר
47:7 זַמְּרוּ אֱלֹהִים זַמֵּרוּ זַמְּרוּ לְמַלְכֵּנוּ זַמֵּרוּ
47:8 כִּי מֶלֶךְ כָּלהָאָרֶץ אֱלֹהִים זַמְּרוּ מַשְׂכִּיל
47:9 מָלַךְ אֱלֹהִים, עַלגּוֹיִם אֱלֹהִים, יָשַׁב עַלכִּסֵּא קָדְשׁוֹ
47:10 נְדִיבֵי עַמִּים, נֶאֱסָפוּ עַם, אֱלֹהֵי אַבְרָהָםכִּי לֵאלֹהִים, מָגִנֵּיאֶרֶץ מְאֹד נַעֲלָה