54:1 לַמְנַצֵּחַ בִּנְגִינֹת, מַשְׂכִּיל לְדָוִד
54:2 בְּבֹא הַזִּיפִים, וַיֹּאמְרוּ לְשָׁאוּל הֲלֹא דָוִד, מִסְתַּתֵּר עִמָּנוּ
54:3 אֱלֹהִים, בְּשִׁמְךָ הוֹשִׁיעֵנִי וּבִגְבוּרָתְךָ תְדִינֵנִי
54:4 אֱלֹהִים, שְׁמַע תְּפִלָּתִי הַאֲזִינָה, לְאִמְרֵיפִי
54:5 כִּי זָרִים, קָמוּ עָלַי וְעָרִיצִים, בִּקְשׁוּ נַפְשִׁילֹא שָׂמוּ אֱלֹהִים לְנֶגְדָּם סֶלָה
54:6 הִנֵּה אֱלֹהִים, עֹזֵר לִי אֲדֹנָי, בְּסֹמְכֵי נַפְשִׁי
54:7 ישוב יָשִׁיב הָרַע, לְשֹׁרְרָי בַּאֲמִתְּךָ, הַצְמִיתֵם
54:8 בִּנְדָבָה אֶזְבְּחָהלָּךְ אוֹדֶה שִּׁמְךָ יְהוָה כִּיטוֹב
54:9 כִּי מִכָּלצָרָה, הִצִּילָנִי וּבְאֹיְבַי, רָאֲתָה עֵינִי