56:1 לַמְנַצֵּחַ, עַליוֹנַת אֵלֶם רְחֹקִים לְדָוִד מִכְתָּםבֶּאֱחֹז אוֹתוֹ פְלִשְׁתִּים בְּגַת
56:2 חָנֵּנִי אֱלֹהִים, כִּישְׁאָפַנִי אֱנוֹשׁ כָּלהַיּוֹם, לֹחֵם יִלְחָצֵנִי
56:3 שָׁאֲפוּ שׁוֹרְרַי, כָּלהַיּוֹם כִּירַבִּים לֹחֲמִים לִי מָרוֹם
56:4 יוֹם אִירָא אֲנִי, אֵלֶיךָ אֶבְטָח
56:5 בֵּאלֹהִים, אֲהַלֵּל דְּבָרוֹבֵּאלֹהִים בָּטַחְתִּי, לֹא אִירָא מַהיַּעֲשֶׂה בָשָׂר לִי
56:6 כָּלהַיּוֹם, דְּבָרַי יְעַצֵּבוּ עָלַי כָּלמַחְשְׁבֹתָם לָרָע
56:7 יָגוּרוּ, יצפינו יִצְפּוֹנוּהֵמָּה, עֲקֵבַי יִשְׁמֹרוּ כַּאֲשֶׁר, קִוּוּ נַפְשִׁי
56:8 עַלאָוֶן פַּלֶּטלָמוֹ בְּאַף, עַמִּים הוֹרֵד אֱלֹהִים
56:9 נֹדִי, סָפַרְתָּהאָתָּה שִׂימָה דִמְעָתִי בְנֹאדֶךָ הֲלֹא, בְּסִפְרָתֶךָ
56:10 אָז יָשׁוּבוּ אוֹיְבַי אָחוֹר, בְּיוֹם אֶקְרָא זֶהיָדַעְתִּי, כִּיאֱלֹהִים לִי
56:11 בֵּאלֹהִים, אֲהַלֵּל דָּבָר בַּיהוָה, אֲהַלֵּל דָּבָר
56:12 בֵּאלֹהִים בָּטַחְתִּי, לֹא אִירָא מַהיַּעֲשֶׂה אָדָם לִי
56:13 עָלַי אֱלֹהִים נְדָרֶיךָ אֲשַׁלֵּם תּוֹדֹת לָךְ
56:14 כִּי הִצַּלְתָּ נַפְשִׁי, מִמָּוֶת הֲלֹא רַגְלַי, מִדֶּחִילְהִתְהַלֵּךְ, לִפְנֵי אֱלֹהִים בְּאוֹר, הַחַיִּים