65:1 לַמְנַצֵּחַ מִזְמוֹר, לְדָוִד שִׁיר
65:2 לְךָ דֻמִיָּה תְהִלָּה אֱלֹהִים בְּצִיּוֹן וּלְךָ, יְשֻׁלַּםנֶדֶר
65:3 שֹׁמֵעַ תְּפִלָּה עָדֶיךָ, כָּלבָּשָׂר יָבֹאוּ
65:4 דִּבְרֵי עֲוֹנֹת, גָּבְרוּ מֶנִּי פְּשָׁעֵינוּ, אַתָּה תְכַפְּרֵם
65:5 אַשְׁרֵי, תִּבְחַר וּתְקָרֵב יִשְׁכֹּן חֲצֵרֶיךָנִשְׂבְּעָה, בְּטוּב בֵּיתֶךָ קְדֹשׁ, הֵיכָלֶךָ
65:6 נוֹרָאוֹת, בְּצֶדֶק תַּעֲנֵנוּ אֱלֹהֵי יִשְׁעֵנוּמִבְטָח כָּלקַצְוֵיאֶרֶץ, וְיָם רְחֹקִים
65:7 מֵכִין הָרִים בְּכֹחוֹ נֶאְזָר, בִּגְבוּרָה
65:8 מַשְׁבִּיחַ, שְׁאוֹן יַמִּיםשְׁאוֹן גַּלֵּיהֶם וַהֲמוֹן לְאֻמִּים
65:9 וַיִּירְאוּ, יֹשְׁבֵי קְצָוֹתמֵאוֹתֹתֶיךָ מוֹצָאֵי בֹקֶר וָעֶרֶב תַּרְנִין
65:10 פָּקַדְתָּ הָאָרֶץ וַתְּשֹׁקְקֶהָ, רַבַּת תַּעְשְׁרֶנָּה פֶּלֶג אֱלֹהִים, מָלֵא מָיִםתָּכִין דְּגָנָם, כִּיכֵן תְּכִינֶהָ
65:11 תְּלָמֶיהָ רַוֵּה, נַחֵת גְּדוּדֶהָ בִּרְבִיבִים תְּמֹגְגֶנָּה, צִמְחָהּ תְּבָרֵךְ
65:12 עִטַּרְתָּ, שְׁנַת טוֹבָתֶךָ וּמַעְגָּלֶיךָ, יִרְעֲפוּן דָּשֶׁן
65:13 יִרְעֲפוּ, נְאוֹת מִדְבָּר וְגִיל, גְּבָעוֹת תַּחְגֹּרְנָה
65:14 לָבְשׁוּ כָרִים, הַצֹּאן וַעֲמָקִים יַעַטְפוּבָריִתְרוֹעֲעוּ, אַףיָשִׁירוּ