67:1 לַמְנַצֵּחַ בִּנְגִינֹת, מִזְמוֹר שִׁיר
67:2 אֱלֹהִים, יְחָנֵּנוּ וִיבָרְכֵנוּ יָאֵר פָּנָיו אִתָּנוּ סֶלָה
67:3 לָדַעַת בָּאָרֶץ דַּרְכֶּךָ בְּכָלגּוֹיִם, יְשׁוּעָתֶךָ
67:4 יוֹדוּךָ עַמִּים אֱלֹהִים יוֹדוּךָ, עַמִּים כֻּלָּם
67:5 יִשְׂמְחוּ וִירַנְּנוּ, לְאֻמִּיםכִּיתִשְׁפֹּט עַמִּים מִישֹׁר וּלְאֻמִּים, בָּאָרֶץ תַּנְחֵם סֶלָה
67:6 יוֹדוּךָ עַמִּים אֱלֹהִים יוֹדוּךָ, עַמִּים כֻּלָּם
67:7 אֶרֶץ, נָתְנָה יְבוּלָהּ יְבָרְכֵנוּ, אֱלֹהִים אֱלֹהֵינוּ
67:8 יְבָרְכֵנוּ אֱלֹהִים וְיִירְאוּ אוֹתוֹ, כָּלאַפְסֵיאָרֶץ