88:1 שִׁיר מִזְמוֹר, לִבְנֵיקֹרַחלַמְנַצֵּחַ עַלמָחֲלַת לְעַנּוֹת מַשְׂכִּיל, לְהֵימָן הָאֶזְרָחִי
88:2 יְהוָה, אֱלֹהֵי יְשׁוּעָתִי יוֹםצָעַקְתִּי בַלַּיְלָה נֶגְדֶּךָ
88:3 תָּבוֹא לְפָנֶיךָ, תְּפִלָּתִי הַטֵּה אָזְנְךָ, לְרִנָּתִי
88:4 כִּישָׂבְעָה בְרָעוֹת נַפְשִׁי וְחַיַּי, לִשְׁאוֹל הִגִּיעוּ
88:5 נֶחְשַׁבְתִּי, עִםיוֹרְדֵי בוֹר הָיִיתִי, כְּגֶבֶר אֵיןאֱיָל
88:6 בַּמֵּתִים, חָפְשִׁיכְּמוֹ חֲלָלִים, שֹׁכְבֵי קֶבֶר אֲשֶׁר לֹא זְכַרְתָּם עוֹדוְהֵמָּה, מִיָּדְךָ נִגְזָרוּ
88:7 שַׁתַּנִי, בְּבוֹר תַּחְתִּיּוֹת בְּמַחֲשַׁכִּים, בִּמְצֹלוֹת
88:8 עָלַי, סָמְכָה חֲמָתֶךָ וְכָלמִשְׁבָּרֶיךָ, עִנִּיתָ סֶּלָה
88:9 הִרְחַקְתָּ מְיֻדָּעַי, מִמֶּנִּי שַׁתַּנִי תוֹעֵבוֹת לָמוֹ כָּלֻא, וְלֹא אֵצֵא
88:10 עֵינִי דָאֲבָה, מִנִּיעֹנִיקְרָאתִיךָ יְהוָה בְּכָליוֹם שִׁטַּחְתִּי אֵלֶיךָ כַפָּי
88:11 הֲלַמֵּתִים תַּעֲשֶׂהפֶּלֶא אִםרְפָאִים, יָקוּמוּ יוֹדוּךָ סֶּלָה
88:12 הַיְסֻפַּר בַּקֶּבֶר חַסְדֶּךָ אֱמוּנָתְךָ, בָּאֲבַדּוֹן
88:13 הֲיִוָּדַע בַּחֹשֶׁךְ פִּלְאֶךָ וְצִדְקָתְךָ, בְּאֶרֶץ נְשִׁיָּה
88:14 וַאֲנִי, אֵלֶיךָ יְהוָה שִׁוַּעְתִּי וּבַבֹּקֶר, תְּפִלָּתִי תְקַדְּמֶךָּ
88:15 לָמָה יְהוָה, תִּזְנַח נַפְשִׁי תַּסְתִּיר פָּנֶיךָ מִמֶּנִּי
88:16 עָנִי אֲנִי וְגֹוֵעַ מִנֹּעַר נָשָׂאתִי אֵמֶיךָ אָפוּנָה
88:17 עָלַי, עָבְרוּ חֲרוֹנֶיךָ בִּעוּתֶיךָ, צִמְּתוּתֻנִי
88:18 סַבּוּנִי כַמַּיִם, כָּלהַיּוֹם הִקִּיפוּ עָלַי יָחַד
88:19 הִרְחַקְתָּ מִמֶּנִּי, אֹהֵב וָרֵעַ מְיֻדָּעַי מַחְשָׁךְ