92:1 מִזְמוֹר שִׁיר, לְיוֹם הַשַּׁבָּת
92:2 טוֹב, לְהֹדוֹת לַיהוָה וּלְזַמֵּר לְשִׁמְךָ עֶלְיוֹן
92:3 לְהַגִּיד בַּבֹּקֶר חַסְדֶּךָ וֶאֱמוּנָתְךָ, בַּלֵּילוֹת
92:4 עֲלֵיעָשׂוֹר, וַעֲלֵינָבֶל עֲלֵי הִגָּיוֹן בְּכִנּוֹר
92:5 כִּי שִׂמַּחְתַּנִי יְהוָה בְּפָעֳלֶךָ בְּמַעֲשֵׂי יָדֶיךָ אֲרַנֵּן
92:6 מַהגָּדְלוּ מַעֲשֶׂיךָ יְהוָה מְאֹד, עָמְקוּ מַחְשְׁבֹתֶיךָ
92:7 אִישׁבַּעַר, לֹא יֵדָע וּכְסִיל, לֹאיָבִין אֶתזֹאת
92:8 בִּפְרֹחַ רְשָׁעִים, כְּמוֹ עֵשֶׂב, וַיָּצִיצוּ, כָּלפֹּעֲלֵי אָוֶן לְהִשָּׁמְדָם עֲדֵיעַד
92:9 וְאַתָּה מָרוֹם לְעֹלָם יְהוָה
92:10 כִּי הִנֵּה אֹיְבֶיךָ, יְהוָה כִּיהִנֵּה אֹיְבֶיךָ יֹאבֵדוּיִתְפָּרְדוּ, כָּלפֹּעֲלֵי אָוֶן
92:11 וַתָּרֶם כִּרְאֵים קַרְנִי בַּלֹּתִי, בְּשֶׁמֶן רַעֲנָן
92:12 וַתַּבֵּט עֵינִי, בְּשׁוּרָיבַּקָּמִים עָלַי מְרֵעִים תִּשְׁמַעְנָה אָזְנָי
92:13 צַדִּיק, כַּתָּמָר יִפְרָח כְּאֶרֶז בַּלְּבָנוֹן יִשְׂגֶּה
92:14 שְׁתוּלִים, בְּבֵית יְהוָה בְּחַצְרוֹת אֱלֹהֵינוּ יַפְרִיחוּ
92:15 עוֹד, יְנוּבוּן בְּשֵׂיבָה דְּשֵׁנִים וְרַעֲנַנִּים יִהְיוּ
92:16 לְהַגִּיד, כִּייָשָׁר יְהוָה צוּרִי, וְלֹאעלתה עַוְלָתָה בּוֹ