99:1 יְהוָה מָלָךְ, יִרְגְּזוּ עַמִּים יֹשֵׁב כְּרוּבִים, תָּנוּט הָאָרֶץ
99:2 יְהוָה, בְּצִיּוֹן גָּדוֹל וְרָם הוּא, עַלכָּלהָעַמִּים
99:3 יוֹדוּ שִׁמְךָ, גָּדוֹל וְנוֹרָא קָדוֹשׁ הוּא
99:4 וְעֹז מֶלֶךְ, מִשְׁפָּט אָהֵבאַתָּה, כּוֹנַנְתָּ מֵישָׁרִים מִשְׁפָּט וּצְדָקָה, בְּיַעֲקֹב אַתָּה עָשִׂיתָ
99:5 רוֹמְמוּ, יְהוָה אֱלֹהֵינוּ, וְהִשְׁתַּחֲווּ, לַהֲדֹם רַגְלָיו קָדוֹשׁ הוּא
99:6 מֹשֶׁה וְאַהֲרֹן, בְּכֹהֲנָיו, וּשְׁמוּאֵל, בְּקֹרְאֵי שְׁמוֹקֹרִאים אֶליְהוָה, וְהוּא יַעֲנֵם
99:7 בְּעַמּוּד עָנָן, יְדַבֵּר אֲלֵיהֶם שָׁמְרוּ עֵדֹתָיו, וְחֹק נָתַןלָמוֹ
99:8 יְהוָה אֱלֹהֵינוּ, אַתָּה עֲנִיתָםאֵל נֹשֵׂא, הָיִיתָ לָהֶם וְנֹקֵם, עַלעֲלִילוֹתָם
99:9 רוֹמְמוּ, יְהוָה אֱלֹהֵינוּ, וְהִשְׁתַּחֲווּ, לְהַר קָדְשׁוֹכִּיקָדוֹשׁ, יְהוָה אֱלֹהֵינוּ