108:1 שִׁיר מִזְמוֹר לְדָוִד נָכוֹן לִבִּי אֱלֹהִים אָשִׁירָה וַאֲזַמְּרָה, אַףכְּבוֹדִי
108:2 עוּרָה, הַנֵּבֶל וְכִנּוֹר אָעִירָה שָּׁחַר
108:3 אוֹדְךָ בָעַמִּים יְהוָה וַאֲזַמֶּרְךָ, בַּלְאֻמִּים
108:4 כִּיגָדוֹל מֵעַלשָׁמַיִם חַסְדֶּךָ וְעַדשְׁחָקִים אֲמִתֶּךָ
108:5 רוּמָה עַלשָׁמַיִם אֱלֹהִים וְעַל כָּלהָאָרֶץ כְּבוֹדֶךָ
108:6 לְמַעַן, יֵחָלְצוּן יְדִידֶיךָ הוֹשִׁיעָה יְמִינְךָ וַעֲנֵנִי
108:7 אֱלֹהִים, דִּבֶּר בְּקָדְשׁוֹאֶעְלֹזָה אֲחַלְּקָה שְׁכֶם וְעֵמֶק סֻכּוֹת אֲמַדֵּד
108:8 לִי גִלְעָד, לִי מְנַשֶּׁה, וְאֶפְרַיִם, מָעוֹז רֹאשִׁי יְהוּדָה, מְחֹקְקִי
108:9 מוֹאָב, סִיר רַחְצִיעַלאֱדוֹם, אַשְׁלִיךְ נַעֲלִי עֲלֵיפְלֶשֶׁת, אֶתְרוֹעָע
108:10 מִי יֹבִלֵנִי, עִיר מִבְצָר מִי נָחַנִי עַדאֱדוֹם
108:11 הֲלֹאאֱלֹהִים זְנַחְתָּנוּ וְלֹאתֵצֵא אֱלֹהִים, בְּצִבְאֹתֵינוּ
108:12 הָבָהלָּנוּ עֶזְרָת מִצָּר וְשָׁוְא, תְּשׁוּעַת אָדָם
108:13 בֵּאלֹהִים נַעֲשֶׂהחָיִל וְהוּא, יָבוּס צָרֵינוּ