122:1 שִׁיר הַמַּעֲלוֹת, לְדָוִדשָׂמַחְתִּי, בְּאֹמְרִים לִי בֵּית יְהוָה נֵלֵךְ
122:2 עֹמְדוֹת, הָיוּ רַגְלֵינוּ בִּשְׁעָרַיִךְ, יְרוּשָׁלִָם
122:3 יְרוּשָׁלִַם הַבְּנוּיָה כְּעִיר, שֶׁחֻבְּרָהלָּהּ יַחְדָּו
122:4 שֶׁשָּׁם עָלוּ שְׁבָטִים, שִׁבְטֵייָהּעֵדוּת לְיִשְׂרָאֵל לְהֹדוֹת, לְשֵׁם יְהוָה
122:5 כִּי שָׁמָּה, יָשְׁבוּ כִסְאוֹת לְמִשְׁפָּט כִּסְאוֹת, לְבֵית דָּוִד
122:6 שַׁאֲלוּ, שְׁלוֹם יְרוּשָׁלִָם יִשְׁלָיוּ, אֹהֲבָיִךְ
122:7 יְהִישָׁלוֹם בְּחֵילֵךְ שַׁלְוָה, בְּאַרְמְנוֹתָיִךְ
122:8 לְמַעַן, אַחַי וְרֵעָי אֲדַבְּרָהנָּא שָׁלוֹם בָּךְ
122:9 לְמַעַן, בֵּיתיְהוָה אֱלֹהֵינוּ אֲבַקְשָׁה טוֹב לָךְ