128:1 שִׁיר, הַמַּעֲלוֹתאַשְׁרֵי, כָּליְרֵא יְהוָה הַהֹלֵךְ, בִּדְרָכָיו
128:2 יְגִיעַ כַּפֶּיךָ, כִּי תֹאכֵל אַשְׁרֶיךָ, וְטוֹב לָךְ
128:3 אֶשְׁתְּךָ, כְּגֶפֶן פֹּרִיָּה בְּיַרְכְּתֵי בֵיתֶךָבָּנֶיךָ, כִּשְׁתִלֵי זֵיתִים סָבִיב, לְשֻׁלְחָנֶךָ
128:4 הִנֵּה כִיכֵן, יְבֹרַךְ גָּבֶר יְרֵא יְהוָה
128:5 יְבָרֶכְךָ יְהוָה, מִצִּיּוֹן וּרְאֵה, בְּטוּב יְרוּשָׁלִָםכֹּל, יְמֵי חַיֶּיךָ
128:6 וּרְאֵהבָנִים לְבָנֶיךָ שָׁלוֹם, עַליִשְׂרָאֵל