130:1 שִׁיר הַמַּעֲלוֹתמִמַּעֲמַקִּים קְרָאתִיךָ יְהוָה
130:2 אֲדֹנָי, שִׁמְעָה בְקוֹלִיתִּהְיֶינָה אָזְנֶיךָ, קַשֻּׁבוֹת לְקוֹל, תַּחֲנוּנָי
130:3 אִםעֲוֹנוֹת תִּשְׁמָריָהּ אֲדֹנָי, מִי יַעֲמֹד
130:4 כִּיעִמְּךָ הַסְּלִיחָה לְמַעַן, תִּוָּרֵא
130:5 קִוִּיתִי יְהוָה, קִוְּתָה נַפְשִׁי וְלִדְבָרוֹ הוֹחָלְתִּי
130:6 נַפְשִׁי לַאדֹנָי מִשֹּׁמְרִים לַבֹּקֶר, שֹׁמְרִים לַבֹּקֶר
130:7 יַחֵל יִשְׂרָאֵל, אֶליְהוָה כִּיעִםיְהוָה הַחֶסֶד וְהַרְבֵּה עִמּוֹ פְדוּת
130:8 וְהוּא, יִפְדֶּה אֶתיִשְׂרָאֵל מִכֹּל, עֲוֹנֹתָיו