140:1 לַמְנַצֵּחַ, מִזְמוֹר לְדָוִד
140:2 חַלְּצֵנִי יְהוָה, מֵאָדָם רָע מֵאִישׁ חֲמָסִים תִּנְצְרֵנִי
140:3 אֲשֶׁר חָשְׁבוּ רָעוֹת בְּלֵב כָּליוֹם, יָגוּרוּ מִלְחָמוֹת
140:4 שָׁנְנוּ לְשׁוֹנָם, כְּמוֹנָחָשׁ חֲמַת עַכְשׁוּבתַּחַת שְׂפָתֵימוֹ סֶלָה
140:5 שָׁמְרֵנִי יְהוָה, מִידֵי רָשָׁע מֵאִישׁ חֲמָסִים תִּנְצְרֵנִיאֲשֶׁר חָשְׁבוּ, לִדְחוֹת פְּעָמָי
140:6 טָמְנוּ גֵאִים, פַּח לִי וַחֲבָלִים, פָּרְשׂוּ רֶשֶׁת לְיַדמַעְגָּלמֹקְשִׁים שָׁתוּלִי סֶלָה
140:7 אָמַרְתִּי לַיהוָה, אֵלִי אָתָּה הַאֲזִינָה יְהוָה, קוֹל תַּחֲנוּנָי
140:8 יְהוִה אֲדֹנָי, עֹז יְשׁוּעָתִי סַכֹּתָה לְרֹאשִׁי, בְּיוֹם נָשֶׁק
140:9 אַלתִּתֵּן יְהוָה, מַאֲוַיֵּי רָשָׁע זְמָמוֹ אַלתָּפֵק, יָרוּמוּ סֶלָה
140:10 רֹאשׁ מְסִבָּי עֲמַל שְׂפָתֵימוֹ יכסומו יְכַסֵּימוֹ
140:11 ימיטו יִמּוֹטוּ עֲלֵיהֶם, גֶּחָלִים בָּאֵשׁ יַפִּלֵם בְּמַהֲמֹרוֹת, בַּליָקוּמוּ
140:12 אִישׁ לָשׁוֹן, בַּליִכּוֹן בָּאָרֶץ אִישׁחָמָס רָעיְצוּדֶנּוּ, לְמַדְחֵפֹת
140:13 ידעת יָדַעְתִּיכִּייַעֲשֶׂה יְהוָה, דִּין עָנִי מִשְׁפַּט, אֶבְיֹנִים
140:14 אַךְ צַדִּיקִים, יוֹדוּ לִשְׁמֶךָ יֵשְׁבוּ יְשָׁרִים, אֶתפָּנֶיךָ