81:1 לַמְנַצֵּחַ עַלהַגִּתִּית לְאָסָף
81:2 הַרְנִינוּ, לֵאלֹהִים עוּזֵּנוּ הָרִיעוּ, לֵאלֹהֵי יַעֲקֹב
81:3 שְׂאוּזִמְרָה, וּתְנוּתֹף כִּנּוֹר נָעִים עִםנָבֶל
81:4 תִּקְעוּ בַחֹדֶשׁ שׁוֹפָר בַּכֵּסֶה, לְיוֹם חַגֵּנוּ
81:5 כִּי חֹק לְיִשְׂרָאֵל הוּא מִשְׁפָּט, לֵאלֹהֵי יַעֲקֹב
81:6 עֵדוּת, בִּיהוֹסֵף שָׂמוֹ בְּצֵאתוֹ, עַלאֶרֶץ מִצְרָיִםשְׂפַת לֹאיָדַעְתִּי אֶשְׁמָע
81:7 הֲסִירוֹתִי מִסֵּבֶל שִׁכְמוֹ כַּפָּיו, מִדּוּד תַּעֲבֹרְנָה
81:8 בַּצָּרָה קָרָאתָ, וָאֲחַלְּצֶךָּאֶעֶנְךָ, בְּסֵתֶר רַעַם אֶבְחָנְךָ עַלמֵי מְרִיבָה סֶלָה
81:9 שְׁמַע עַמִּי, וְאָעִידָה בָּךְ יִשְׂרָאֵל, אִםתִּשְׁמַעלִי
81:10 לֹאיִהְיֶה בְךָ, אֵל זָר וְלֹא תִשְׁתַּחֲוֶה, לְאֵל נֵכָר
81:11 אָנֹכִי, יְהוָה אֱלֹהֶיךָ הַמַּעַלְךָ, מֵאֶרֶץ מִצְרָיִםהַרְחֶבפִּיךָ, וַאֲמַלְאֵהוּ
81:12 וְלֹאשָׁמַע עַמִּי לְקוֹלִי וְיִשְׂרָאֵל, לֹאאָבָה לִי
81:13 וָאֲשַׁלְּחֵהוּ, בִּשְׁרִירוּת לִבָּם יֵלְכוּ, בְּמוֹעֲצוֹתֵיהֶם
81:14 לוּעַמִּי, שֹׁמֵעַ לִי יִשְׂרָאֵל, בִּדְרָכַי יְהַלֵּכוּ
81:15 כִּמְעַט, אוֹיְבֵיהֶם אַכְנִיעַ וְעַל צָרֵיהֶם, אָשִׁיב יָדִי
81:16 מְשַׂנְאֵי יְהוָה, יְכַחֲשׁוּלוֹ וִיהִי עִתָּם לְעוֹלָם
81:17 וַיַּאֲכִילֵהוּ, מֵחֵלֶב חִטָּה וּמִצּוּר, דְּבַשׁ אַשְׂבִּיעֶךָ