82:1 מִזְמוֹר, לְאָסָףאֱלֹהִים, נִצָּב בַּעֲדַתאֵל בְּקֶרֶב אֱלֹהִים יִשְׁפֹּט
82:2 עַדמָתַי תִּשְׁפְּטוּעָוֶל וּפְנֵי רְשָׁעִים, תִּשְׂאוּסֶלָה
82:3 שִׁפְטוּדַל וְיָתוֹם עָנִי וָרָשׁ הַצְדִּיקוּ
82:4 פַּלְּטוּדַל וְאֶבְיוֹן מִיַּד רְשָׁעִים הַצִּילוּ
82:5 לֹא יָדְעוּ, וְלֹא יָבִינוּ בַּחֲשֵׁכָה יִתְהַלָּכוּיִמּוֹטוּ, כָּלמוֹסְדֵי אָרֶץ
82:6 אֲנִיאָמַרְתִּי, אֱלֹהִים אַתֶּם וּבְנֵי עֶלְיוֹן כֻּלְּכֶם
82:7 אָכֵן, כְּאָדָם תְּמוּתוּן וּכְאַחַד הַשָּׂרִים תִּפֹּלוּ
82:8 קוּמָה אֱלֹהִים, שָׁפְטָה הָאָרֶץ כִּיאַתָּה תִנְחַל, בְּכָלהַגּוֹיִם